Սուրբ Պատարագը քրիստոնեական գլխավոր աստվածապաշտական արարողությունն է, որի ընթացքում մենք միասին փառաբանում ենք Աստծուն, վերհիշում մեր դավանանքը, ընդունում Հիսուս Քրիստոսին մեր կյանքից ներս և հաղորդակից դառնում Նրա Սուրբ Մարմնին ու Արյանը։
Տոն Կաթողիկե Սուրբ Էջմիածնի
Հայ Առաքելական Սուրբ եկեղեցին այսօր նշում է Սուրբ Գրիգոր Լուսավորչի տեսիլքով Կաթողիկե Սուրբ Էջմիածնի հիմնադրման տոնը։ Բանտարկությունից դուրս գալուց հետո Գրիգոր Լուսավորիչը տեսիլք է տեսնում, ուր Միածինն իջնում է երկնքից եւ ոսկե մուրճով հարվածում է Սանդարամենտի գետնափոր մեհյանը` ուր պետք է կառուցվեր մեր սուրբ հավատի տաճար Սուրբ Էջմիածինը։
